提到方包食法，不外乎搽果醬、牛油或做成三文治等，好像變化不大。其實只要動動腦筋，一片方包經烤、焗、炸、炒可以變身成各式鹹甜美點，食法一啲都唔寡！
記者：林佩婷
攝影：譚盈傑、陳偉強
示範：食譜作者Kannis
參考食譜：《愛上DIY滋味麵包》KannisYeung著（嘉出版）
焗麵包布丁
需時：40分鐘
價錢：$35/4人
材料：白方包2片、糖40克、忌廉芝士50克（室溫放軟）、大雞蛋1隻、牛奶100毫升、淡忌廉100毫升、杏仁片適量（炒香）、糖霜少許
做法：白方包撕成一口大小；用電動打蛋器打勻忌廉芝士/糖，再加蛋打至順滑，最後混入牛奶/淡忌廉，拌勻。將方包粒浸入上述汁料，倒入耐熱容器，放入焗爐以160℃焗30至35分鐘，最後撒上杏仁片及糖霜。
貼士：忌廉芝士要在室溫放軟，否則打拂時易起粒，不夠順滑。
炸香蕉肉桂多士
需時：25分鐘
價錢：$15/4人
材料：白方包2片（去邊）、香蕉2隻（去皮）、牛油/肉桂粉/糖霜/糖各1/2茶匙、油各適量
炸漿：麵粉/牛奶各4湯匙、糖11/2茶匙、水2湯匙
做法：用麵棍輕輕壓平白方包，塗牛油後，撒上糖/肉桂粉，然後捲起香蕉，用手壓實切半。將炸漿料掃在方包表面，燒熱油，將方包卷炸至金黃，撈起隔去油份，最後撒上肉桂粉/糖霜。
貼士：油要中熱，太熱易令外層焦燶，而內裏卻不夠爽脆。
炒白雪脆條
需時：20分鐘
價錢：$10/4人
材料：白方包4片、糖100克、水31/2湯匙、油適量
做法：白方包切成條狀，燒熱油，將麵包條炸至脆身，撈起隔油。糖/水同煮至起泡，待泡沫轉細後離火，用木匙攪拌成白色結晶體後，加入炸過的麵包條拌勻。最後將麵包條放在吸油紙上待亁身。
貼士：當糖變成結晶時，要立即放入麵包條及不停攪拌，以防黏在一起。
烤煙肉多士
需時：30分鐘
價錢：$20/4人
材料：白方包2片、煙肉4片（切碎）、菠菜60克（去根切段後烚熟）、意粉白汁360毫升、牛奶180毫升、芝士粉適量、牛油少許
做法：方包去邊留起，其他切成方塊放入焗爐略烤至金黃色，之後掃上牛油。將包邊撕碎放入鑊炒亁，加入煙肉炒至脆身。將菠菜/白方包放入焗碟，倒入已混合的意粉白汁/牛奶，撒上方包邊碎/煙肉/芝士粉，放入已預熱至150℃的焗爐烤15分鐘便成。
雙層保鮮妙法！
只要將每片方包獨立封上保鮮紙，再放入密實袋，放進冰格冷藏。這樣麵包不易結霜，更可保存約1個月。
麵包糠好易整！
唔鍾意食方包邊，其實可將之切粒以滾油炸至金黃，或用焗爐以150℃焗15至20分鐘成麵包粒。吃剩的麵包則可用攪拌機打碎製成麵包糠，放入密實袋存入冰格，約可放20日。麵包粒或麵包糠可用來配搭沙律、炸物，好味又唔浪費！