搖晃嬰兒綜合症（ShakenBabySyndrome）可對嬰兒腦部造成損害。兒科醫生陳以誠說，嬰兒被過度搖晃如無其他表面傷痕，家長一般不易察覺，至於曾被搖晃的嬰兒長大後，會否出現後遺症或有關症狀，陳說，他們長大後可能出現抽筋、學習或認知功能障礙，「但其他BB就算冇俾人搖過，都有可能出現呢啲情況，所以好難話係咪搖嬰後造成。」
頻嘔吐常驚醒即檢查
陳說，如家長發現嬰兒有嘔吐迹象、腦囟腫脹、睡不安穩如經常發噩夢或常驚醒，都要多加留意及請醫生詳細檢查：「醫生會幫BB照磁力共掁、或者幫BB全身麻醉睇吓佢眼底有冇出血先發現得到，所以一有懷疑就要去睇醫生。」
港大兒童及青少年科學系名譽臨床醫學副教授夏修賢表示，搖嬰症對嬰兒損害視乎搖晃角度及力度而定：「因為嬰兒嘅頭骨同腦中間有段距離，搖晃時嘅離心力會令到BB仔整個腦撞埋頭骨度，所以好難話佢個腦邊個位傷得緊要啲，要睇佢個腦撞埋個骨頭邊一度而定。」
搖晃嬰兒綜合症病徵
•瞳孔擴大
•眼睛有血斑
•肌肉張力較弱
•嘔吐
•昏睡
•食慾下降
資料來源：《蘋果》資料室