日本女星廣末涼子（圖）、男星阿部寬同韓國女星林秀晶（小圖）噚日分別離港，不過佢哋嘅態度就好唔同。廣末同阿部寬雖然唔同時間離開，不過佢哋見到機場守候嘅傳媒時，態度非常友善，尤其廣末臨入職員通道時，又揮手又鞠躬，鬼咁親民，相反之前喺首映笑笑口嘅林秀晶，噚日喺機場就黑晒面，唔通日本同韓國嘅文化有好大差別？