對時裝有一定程度興趣，才可擔當設計師。有興趣自然會更捨得花費，設計跟喜歡的風格又往往是兩碼子的事。不知是否這個原因，今周主角Wallace所喜歡的亦係最平凡：「我偏向喜歡歐洲牌子，款式Basic、簡單，有時仲偏向過份貴，但係論質量、Cutting同Details都做得好好，顯出大牌嘅功架。
「我買咗新嘢會不停着，不停用一段時間，跟住會收埋儲入衣櫃，隔一排再攞番出嚟着。呢個時候，件衫個款或者顏色可能會Out，要點襯番其他衫褲鞋襪而令整個Look唔Out，有一定技巧，要花一啲心思，係一個好好玩嘅Game。慢慢玩得多，自然更容易掌握點樣可以將新元素加入舊時裝之內，對我設計上嘅工作有好大嘅幫助，自己點樣着，就會知道自己做啲咩。」
Garcons斜孭皮袋
幾多錢：約$1,200
邊度買：法國
「唔係成日孭袋，但一直想搵個黑色書包形袋款。上次去法國做嘢，喺CommedesGarcons見到呢個袋，香港都冇入，加上一向鍾意呢個牌子，佢質量、Details各樣都做得好出色。款好普通，但袋釦、皮料嘅Quality都一流。」
HelmutLang米白色西褲
幾多錢：$800（減價買）
邊度買：I.T
「呢條唔係新褲，因為HelmutLang已經停產咗一年。我好鍾意佢哋嘅褲，佢哋因為賣盤嘅事搞到我一年買唔到，已經好辛苦。今年終於有番，我好期待佢哋今季新貨。」
Visvim黑色真皮爬山鞋
幾多錢：約$1,000
邊度買：香港I.T
「我平日着波鞋多，一路想買對皮鞋着吓，太Formal嘅款又唔係自己Style。呢類款式嘅爬山鞋就最好，外形有啲似RedWing，好着、舒服又易襯。我係VisvimFans，佢啲鞋係貴啲，不過啲料同Cutting一路都好吸引我。」
