肥姐沈殿霞自返港養病後，經常外出見朋友，早前仲同欣宜個老外男友（右）一齊hightea。噚日下晝，老外男友又到訪欣宜家，短敍一番後，二人五點半左右就齊齊出發去機場。原來老外係送欣宜機，估計佢此行係去上海。帶住兩個LV行李篋嘅欣宜企喺港龍櫃位辦理手續，對記者提問十問九唔應，但入閘前就同男友攬別，相當sweet。