黎姿、鄭嘉穎、王賢誌及袁家怡等《寫意人生》演員，昨日到北角明慧幼稚園探訪，黎姿在劇中的角色擅於繪畫兒童漫畫，故大會昨日安排她及鄭嘉穎帶領小朋友進行分組繪畫比賽，二人不時獲小朋友獻吻，甚受歡迎。
近日有雜誌指黎姿與夜總會之父鄧崇光傳緋聞，她昨日否認說：「佢係我嘅familyfriend，同我識咗10年，屋企人都識佢，希望大家唔好睇低人，人哋破產，應該要互相幫助。」
至於被內地雜誌指同劇演員袁家怡是她和黃玉郎的私生女，黎姿說：「真係認都認唔切，唔使養、唔使教，無端端有個女咁大，仲做埋歌星，佢隨時變天后容祖兒咁，我就發啦！」
「有咁靚都開心」
對於被指是黎姿私生女，袁家怡表示因此感到開心，她說：「我都有爸爸、媽咪，有GiGi（黎姿）咁靚咁好演技都開心，但佢最多咪做我家姐。」
王賢誌近日有家族爭產案鬧上法庭，他昨日表示是從報章得知5月份要出庭，他說：「其實係爸爸同佢嘅兄弟姊妹係原告人，姓龐嘅女子係答辯人，阿爺喺00年過身，過身前佢以看護身份照顧，其實唔係好大件事，除咗要追番幾千萬，屋企人仲希望討個公道。」
採訪、攝影：卓美娟
