馮仁昭四圍超:<br>不滿炒作郭台銘緋聞 嘉玲告台周刊 - 馮仁昭

馮仁昭四圍超:
不滿炒作郭台銘緋聞 嘉玲告台周刊 - 馮仁昭

最近劉嘉玲同台灣富商郭台銘多次俾傳媒影到一齊外遊,郭台銘又公然向嘉玲示愛,令到嘉玲偉仔多年戀情備受考驗。有關嘉玲同郭台銘嘅緋聞,一直引起外界關注,好似台灣嘅《時報周刊》,最近亦借佢哋嘅緋聞嚟炒作,嘉玲忍無可忍下,噚日終於作出還擊。

發聲明還擊

《時報周刊》近日就嘉玲同郭台銘嘅緋聞大做新聞,之前一直唔聲唔聲嘅嘉玲,終於忍唔住要透過經理人澤東電影公司發出聲明,內容話:「有關台灣《時報週刊》第1518期刊載,關於本公司藝人劉嘉玲小姐的相關報導,均為不負責任、未經查證之報導。本公司已委託律師,針對此一不實報導提出法律行動,並籲請各位傳媒先進自重,勿再不實刊載或轉述。對於近期任何有關劉嘉玲小姐的所有不實報導,本公司都將陸續採取相關法律行動,以正各界視聽。」
另外,噚日台灣有消息話,本港「鐵板神算」董慕節早年幫嘉玲批命時,已經話佢呢世會同三隻老虎(即生肖屬虎之人)糾纏不清,咁啱嘉玲前男友許晉亨、郭台銘同埋偉仔都屬虎,似乎同相士所講不謀而合喎!

對於台灣《時報周刊》嘅報道,嘉玲經理人公司噚日發咗聲明,講明會採取法律行動追究(圖)。

郭台銘早排同嘉玲高調唱K,令二人緋聞鬧得沸沸揚揚。

梁朝偉同劉嘉玲多年戀情,最近因為郭台銘介入而亮起紅燈。
資料圖片