巴塞隆拿會方日前證實，會向沙維奧拿提供新合約，仲保證合約好到對方一口答應㖭！其實，沙維奧拿季初被棄用但又冇球會要，之後趁伊度奧受傷先慢慢從後備打到正選，聯賽至今射入5球，終於打動球會提供新約，絕對係苦盡甘來！下月球隊去埃及同艾哈打波，慶祝對方百周年會慶嗰陣，佢亦可以順便去金字塔慶祝一下喇！