最近喺查爾頓紅到發紫嘅中國國腳鄭智，大家咪睇佢相貌平平、皮膚黝黑，成個耕田佬咁，原來喺10歲嗰陣拍過電影㗎！呢套戲名叫《球迷心竅》，小鄭智片中扮演一個叫左中場嘅細路仔，朝思暮想要成為球星，據講套戲之後仲攞過最佳兒童片獎㖭！求大俠覺得好彩當年鄭智做唔成童星，如果唔係中國球壇就少咗位咁出色嘅球員喇！