薛凱琪（Fiona）前晚同吳大維擔任第一屆亞洲電影大獎嘅客席司儀，活動後去咗大會喺君悅酒店舉行嘅慶功宴。Fiona接受電子傳媒訪問嗰陣，一名操普通話嘅內地男子突然走到佢身邊、貼近佢背脊博影相，點知Fiona居然懵然不知。事後記者問佢驚唔驚，Fiona話：「feel唔到喎，因為好關心自己個訪問，所以好專心，自己反應太慢。」仲問番記者見到啲乜，當佢知道有個男人黐住佢影相，先至話自己以後會提高警覺。
自評50分
問Fiona覺得自己做司儀表現成點，佢話：「比預期中好，我畀自己50分，因為我有個好拍檔吳大維，令成件事輕鬆晒。我開頭都擔心度嘅嘢，觀眾唔會笑，好彩觀眾反應好好。」Fiona叫咗屋企人錄低個節目，等佢可以睇番。
