【本報訊】昨日死因庭上法醫詳細解釋徐步高身中五槍身亡的死因，席上徐母張維美聽到子彈橫飛，貫穿兒子心肺奪命過程時面色一沉，她形容「一面聽法醫講解，一面就感到子彈好似打在自己身上，好痛、好痛！」對於兒子是否涉及多宗命案，她有點激動說「到𠵱家我仲覺得係一個謎，都唔知發生乜事！」
「阿高屍體不似人形」
中午休庭，徐母到法院一個休息室坐下，拿出自製的雞蛋三文治進食，不過她吃了一口便停下，無奈地說「阿高（徐步高）嘅死係事實，我已經接受咗，但真係仲未放得低！」她憶述庭上法醫講解兒子身中五槍的位置時，一直用手比劃，她更指去年在槍擊案發生後領取兒子遺體情景，「當時阿高嘅屍體做過解剖，已經不似人形！」據知徐家領取屍體已是案發後一個月，當時徐步高的屍身經已僵硬如具蠟像。
半小時談話中，徐母多次提及阿高名字，她更憶述兒子好強個性，精於游泳、駕車及玩滑翔傘，「幼時喺福建鄉下池塘學游水」。現時死因庭上講述徐的中槍始末及死因，她坦言：「感覺不好受，但為了解事件真相仍會繼續到庭聽審！」
連日來徐母都愛看書打發時間，她說：「希望睇書可讓我投入小說世界，唔使為屋企事煩惱！」至於連日來媳婦一直未有現身，她直言「佢（指媳婦）仲要搵食、返工，我老人家就冇所謂啦！」
徐母自言上周以真面目現身法庭後，「𠵱家心情輕鬆晒，想去邊就去邊！以前出街要喺窗口左望右望，發現冇可疑人至敢出街。」下午聆訊結束，徐母由代表律師黃國桐陪同離去，其間黃展示一份由徐步高曾就讀中學的男教師所寫信件，該名現已移居澳洲的教師指，徐在學時無暴力傾向，他亦願意出庭作證。