不經不覺，鄧麗欣（Stephy）入行已5年，經歷Cookies拆夥再拆夥，緋聞男友一個又一個，但她卻形容自己一直「無風無浪」。Stephy最近又與緋聞男友方力申合作拍電影，她揚言越拍越上癮，難道是因為愛上癮了？
鄧麗欣在新年許了個願，但想不到願望竟這麼快成真，日前她在灣仔接受訪問時說：「我許咗個願，就係希望今年冇假放，到現時為止，我日日都要開工，我知道都不知幾開心，如果放假冇嘢做，好似虛度咗咁。」
越來越愛做戲
《獨家試愛》後，Stephy又與方力申主演《十分．愛》，她覺得自己對演戲越來越有興趣，她說：「今次《十分．愛》比上一次壓力係大咗，比較都在所難免，不過我感覺到越來越鍾意做戲，越拍越上癮。」Stephy07年工作接踵而至，最近M&M's找她擔任形象大使，由小開始食M&M's大的Stephy說：「嘩！我細個成包『啪』㗎，最鍾意係食啡色，拜年就最想人送M&M's，以前最鍾意同朋友猜顏色，明明個味冇唔同，都係要搵紅色、黃色，真係好搞笑。」
摑Miki好滿足
此外，方力申、Stephy和吳雨霏，昨日到沙田出席電器店活動，有周刊指Stephy拍電影時假戲真做掌摑楊愛瑾（Miki），Stephy說：「嗰場戲講我好嬲，所以要真係打落去，事前同Miki講好咗。打完佢，我隻手都好痛，個心又好唔舒服，事後我見Miki有啲想喊，我即時攬住佢。」Stephy又笑說：「可能我以前打開排球，當Miki排球咁打，不過佢塊面好細，我都驚打聾佢，我打完佢有啲滿足感，我覺得有啲變態。」
採訪：楊潔雯 攝影：陳志嵐 場地提供：VIA
