前日華斯高喺巴西盃出戰乙組隊加瑪時，羅馬里奧無踢正選，到下半場12分鐘至上陣，而佢落場後亦踢得唔多上心，只有1球射中楣，累積入球停留喺998球。賽後佢話自己冇乜運氣，計我話佢係特登交行貨，想禮拜日喺馬拉簡拿大球場對法林明高時至衝擊1,000球。話時話，法林明高並唔係弱隊，羅馬里奧真係咁有信心？