【本報訊】跑馬地馬場跑道首次發現可疑裝置，相信用作影響馬匹及騎師，在澳洲讀獸醫及工作多年的本港獸醫黎昌生說，馬匹在出賽前情緒相對集中，「一心諗住要跑，所以突然搵嘢嚇一嚇佢哋就會驚，擾亂佢哋嘅情緒。」至於影響多大則要視乎個別馬匹而定。有工程師則形容有關裝置屬土炮性質，估計每套製作費用僅需500元。
理工大學機械工程學系工程師盧覺強指裝置設計簡單，利用一條長管橫跨跑道，長管上有出氣口，會噴出氣體或釘等，有如飛鏢襲擊馬匹。有關裝置相信屬遙控，利用索掣控制活門噴出物體，若屬爆炸裝置，則可通過遙控通電，令溫度上升，氣體膨脹達至爆炸效果，他形容有關設施安裝容易，只需草皮覆蓋：「𠵱家啲人都好叻，呢啲裝置其實好易做，估計歹徒懂機械常識。」他估計製作成本只需500元。
嚇一嚇影響賽果
獸醫黎昌生則說，任何動物的腹肚位置都是最脆弱、最少保護的地方，因此相對敏感：「如果有啲水或氣體突然噴佢哋個肚，雖然未必會受傷，但會嚇親佢哋，包括跑得唔投入，如果有嘢黐住佢個肚又會跑得唔自然。有啲仲可能驚得滯，將騎師拋落地。」至於若發射的是針狀利器，更必定會傷害馬匹。他說外國曾有人以水槍，或可發出高音頻聲響的氣槍干擾賽事結果：「因為好易就影響到啲馬，嚇一嚇佢哋個結果就唔同咗。」
前練馬師簡炳墀則謂，馬肚位置雖非特別脆弱，但牠們與人一樣受到突如其來的聲音及氣流影響會陣腳大亂。他又說，以前曾發生出閘機在賽前意外漏電，雖不致傷害馬匹，「但都令到佢哋亂晒龍。」
新聞資訊研究組