眼見新特蘭領隊堅尼搵約基幫手對辦，伯明翰領隊布魯士亦唔執輸，搵前曼聯隊友高爾幫拖，以借用形式為伯明翰踢到季尾，誓要喺來季升上英超。雖然35歲嘅高爾今季只喺樸茨茅夫踢過5場正選咁大把，但以佢經驗同射術，應付英冠綽綽有餘；對佢個人嚟講，既然喺「老樸」冇機會，如果臨老幫到伯明翰升班，不失為另一高峯。