吳亭欣噚日返咗亞視出席「亞視與您一同成長50年」宣傳活動，慶祝亞視5月29日成立50周年台慶，據知亞視會搵3個同亞視同月同日生嘅觀眾一齊慶祝㖭。最近俾陳道然（蘭子）撬走男友利承武嘅吳亭欣，噚日示範造蛋糕時又唔小心走光，真係禍不單行。啱啱過咗生日嘅佢，收到緋聞男友WayneCheung送嘅鑽石手鏈，噚日都有戴住嚟示威。