有「靚聲王」之稱的張偉文於5月12日及13日在紅館舉行兩場「張偉文唱好唱好2007」演唱會，首次在紅館開個唱，張偉文坦言比較辛苦：「因為開四面台，地方大咗要行多啲，自己都要做gym練氣。」
張偉文積極邀請林子祥、劉德華、張學友、鄭中基、林憶蓮及葉麗儀等任嘉賓，為何不請唱得的新人？張偉文說：「鍾意聽我嘅歌，未必會識佢哋，費時變成廁所位。好似之前陳奕迅做林子祥演唱會嘅嘉賓，當時陳奕迅已經好有知名度，但係反應都係一般，我唔想啲嘉賓唔啱我觀眾嘅口味。」
唔鍾意Eason啲歌
貴為「靚聲王」的張偉文慨歎現時的流行歌不耐聽，至今他只覺得盧巧音的《垃圾》和《喜歡戀愛》比較可取，當說到欣賞的歌手時，他滔滔不絕說：「我覺得王菲最好，鄭中基、容祖兒、關心妍都好好，陳奕迅（Eason）啲歌我完全唔鍾意，但係就覺得佢好有格。」
採訪、攝影：駱華齡
髮型：哈佛增髮技術中心
化妝：Aiken
場地提供：MarcoPoloGatewayHotel