王菀之、張敬軒、方大同、張繼聰同農夫最近被商台力捧，除咗會喺節目《好回家》中擔任客席主持外，今個月29號會喺九展舉行音樂會，到時五個單位嘅唱作人除咗會唱出多首自己嘅作品外，仲會喺歌迷面前發表佢哋嘅內心世界，仲會講吓感情生活㖭。到時佢哋喺音樂上大鬥法，王菀之同張敬軒會以情侶檔姿態，撼方大同、張繼聰同農夫。