水貨王 芝加哥
芝加哥係波鞋街中最大、歷史最悠久嘅水貨店，由梁氏三兄弟打理，喺波鞋街打躉超過10年。旗下還有兩間店舖，分別係紐約同L.A.。呢3間「美國幫」早期以賣日版鞋為主，店名為「北海道」，但後期因NBA職業籃球隊打到街知巷聞，備受追捧hit到爆，便轉名為芝加哥，專賣adidas、Converse同其他日本、美國潮牌波鞋，更以專賣限量版、珍藏版、特別版波鞋而著名，成為波鞋迷必蒲之店。
對於波鞋街出現「美國幫」同「加拿大幫」情況，芝加哥頭號人物David講笑話：「我哋用外國地名做舖頭名好耐啦，係咪我哋潮得滯呢？不過呢個都係波鞋街其中一個特色嚟！呢個重建計劃，其實早十年前已經講過會落實，到時先再算啦。」
Sales推介
勢力範圍
店舖數目：3間
（查詢：23981267）
NIKE專家 多倫多
多倫多主打貨有NIKE、PUMA同法國品牌lafuma。05年，為咗鞏固喺波鞋街嘅地位，多倫多將全棟大樓變成現在嘅「T5」。整棟大樓共有5層，地舖係NIKE概念店，1樓係賣特別版波鞋用品等嘅Cimi-Strut，2樓係全港第一間健康飲食SportCafe──Lime，3樓係同lafuma玩crossover嘅法國山區概念餐廳──lafumaOutdoorCafe。
仲未知多倫多有幾勁？NIKE力撐嘅兩大NBA球星LeBronJames、KobeBryant，喺05及06年來香港行街街，都要到呢間NIKE概念店打個白鴿轉就知佢個朵有幾響。
Sales推介
勢力範圍
店舖數目：7間
（查詢：23885402）
四大龍頭勢力分布圖
其餘勢力店舖
雖然波鞋街盛傳主要由4大家族各佔山頭，但其實還有很多散舖插旗，令波鞋街更加百花齊放，選擇多多。
興發 波衫最齊
擁有十多年歷史，足球波衫可謂最齊全。雖然曾開到近10間分店嘅興發，現在只剩下奶路臣街老店，但球迷想買、想訂最新波衫或波boot，一樣都會識門路搵佢哋。
Extreme 水貨新勢力
最近一年才喺奶路臣街芝加哥附近出現嘅新勢力。Extreme有兩間，強項係水貨鞋跟得好快，例如3月10號才在日本推出嘅Atmos×NIKEDunkesto佢哋都有。
運動家 集團連鎖店
近3、4年才進駐波鞋街，係新派連鎖式體育用品商舖，在波鞋街已有5間分店。佢哋出名服務態度好，連Birkenstock都有得賣。另外lecoqsportif同Converse款式亦又多又齊。
@Gallery 8間分店
成條波鞋街最少有8間叫@Gallery的鞋舖，裝修好簡單，但除咗NIKE、adidas外，勝在連RedWing、Vans都有，Jordan歷代鞋款亦出奇地多。
MVP 20年歷史
20年前已經進駐波鞋街，現在MVP喺波鞋街有5間分店，分別為MVPPlus同MVP，前者走潮款fashion路線，後者貨品種類齊，大部份運動用品品牌都有得賣。
大中體育用品主打爬山用品
開舖已有30多年，現時喺波鞋街有3間分店，主要賣爬山用品如Columbia爬山鞋。其次冇咁大路嘅如羽毛球用品名牌Yonex、日本跑鞋Mizuno都有發售。
潮人買鞋首選地
誰是波鞋街幕後揸fit人？
咁多間波鞋舖開在同一條街，你一定以為競爭會好劇烈，其實據鞋舖行家透露，除水貨舖外，賣行貨嘅舖頭，在競爭上唔算好激烈，因為運動用品名牌會控制貨源分布。例如將舖頭分等級，被視為高等級嘅會獲分特別版貨品，而每間店舖所分獲嘅鞋款數量亦會相若，標價要簽定條文，規定零售價範圍，賣幾平幾貴都由佢哋話事，一來可以保障品牌形象，二來可以維持商店之間嘅競爭情況，以保障品牌嘅市場穩定性。所以話真正嘅幕後玩家，其實係那些運動用品名牌至真！
