中村俊輔果然敬業樂業！早前隻手受傷嘅佢，返到日本國家隊報到後（備戰禮拜六友賽秘魯）進行自發性特訓，喺短短90分鐘內練習射門230次，其中有62次係練佢最拿手嘅罰球。睇見佢咁用功，就令我諗起佢前輩中田英壽當年為日本效命時，幾時試過咁落力？中村咁敬業樂業，唔怪得無論踢里賈納抑或些路廸都一樣咁掂。