繼LesileKee攝影集為眾星「脫褲」後，又有名模被攝影師出賣。外籍攝影師Ike前晚推出人體寫真集，刊登了名模姚書軼（Mikki）多年前拍攝的一幅全裸露點相，但Mikki原來毫不知情，也沒有酬勞，她無奈表示失望及傷心！
外籍攝影師Ike前晚在中環推出《Orientaleye》人體寫真集，以黑白照為主表現亞洲女性軀體美，輯錄及刊登名模如Rosemary、LisaS.、陳嘉容等的性感照片。相片集將以$888發售，而特別為癌症基金會籌款的100盒boxset則賣$8,888。
愕然未獲知會
當中以名模姚書軼的照片最性感，在沙灘拍攝的兩輯照片不但有側身全裸，更有正面露點的甫士。Mikki昨日接受電話訪問，聞言即愕然說：「吓？露點？唔係呀？」經記者仔細形容後，Mikki對未獲知會就刊登此相，大表無奈兼氣憤說：「我係拍過我會認，但好離譜，因為呢輯相其實係四、五年前左右，我幫一本歐洲專影黑白藝術相嘅雜誌《black&white》喺梅窩影嘅，佢哋當時授權Ike影相，我都事先講明相片可以喺歐洲刊登，但唔可以喺香港、內地登，點知會咁？」
Mikki估計照片是Ike將在雜誌用剩的照片中取出翻用，對方更在年半前再騙她拍攝，她說：「佢同我講拍啲試片，我諗住冇所謂，冇收酬勞，義務幫手，諗住自己當做紀念，講明全裸但唔露點，點知佢用嚟賣書。」問她如何追究？Mikki傷感地說：「好難，因為個版權應該喺攝影師度，我同經理人、律師仲商量緊可以點。」
攝影師：不會分錢
Ike昨日接受訪問時解釋事前已通知Mikki，他說：「我多年前同她講過一次，說我會出書用，可能她忘記了，不過，當時我告訴她在歐美推出，她不知我也會在香港出書。」
提到Mikki無酬露點，Ike謂賣書後也不會分錢給她：「我不會付錢，其實圖片很漂亮已經足夠。我剛和她通電，她心情也平復了，所以沒有問題。」
採訪：JessicaNgan、DebbieLum
攝影：ChenWaiOn
