張學友前晚在吉隆坡宣傳唱片《在你身邊》，並舉行簽唱會，受天雨影響，活動要延遲約半小時才開始，但熱情的歌迷照樣把現場擠得水洩不通。學友除在會上宣布9月14日會到大馬開騷外，還即場演繹新歌《在你身邊》，不過竟忘記歌詞，認真尷尬，他解釋說：「我仲未背熟歌詞，加上又啱啱瞓醒，呢首係新歌，你哋都唔識唱，咁我點會記得歌詞？」
唔聽話打手板
已是兩女之父的學友，被問到如何處罰不聽話的女兒時說：「我會打佢哋手板，如果佢哋喊唔停，我就會扮個嚴父樣出嚟。」
有指導演彭浩翔有意把學友家中女傭偷竊案搬上大銀幕，學友說：「好小事，一啲家庭都會發生女傭偷竊案。我唔介意有人拍呢類題材嘅戲，我覺得嗰個導演好勇敢，因為拍一部戲要花好多錢。」問學友可會粉墨登場？他說：「都係嗰句，拍電影要先睇劇本。」
撰文：林妃