我有次驅車往機場，在青馬大橋一段，被架鐵馬從後追來叫停我架車！超速？冇喎！沒有戴安全帶？都唔係吖！拎住手機傾電話？梗係無啦！到底衰乜？原來佢話我架車霸住條快線好耐，所以要抄牌！霸住快線行咗幾耐？我都唔記得，真係要阿Sir先知，因為我都不為意。自此之後變得杯弓蛇影，好耐無行過最右線。香港駕駛學院車隊培訓及發展經理謝錦華先生指出，高速公路正確駕駛態度，就是無論大車細車，時刻都要保持在最左線，右線只是作爬頭之用，過了應過的車就要盡快切回左線，絕不可長期佔用快線！想了解多些，一係好似我咁俾阿Sir抄牌，告票連一份講解送畀你，又或是向運輸署索取有關單章查閱。在高速公路倒車或左線超車，一樣屬違法！
記者：陸伊琳
攝影：周旭文