圈中女星經常身材突變，「黎明嫂」樂基兒前晚穿泳衣在中環行騷，上圍居然回復近似未拆彈時的盛況，令人懷疑她再次隆胸，樂基兒悄悄解釋因月事影響身形，不過升cup程度仍叫人嘖嘖稱奇。
黎明嫂樂基兒前晚在中環七號碼頭為英倫名牌VivienneWestwood2007春夏系列行騷，她穿上西太后設計的性感比堅尼及束胸連身裙，波濤洶湧，令人懷疑她再次隆胸。
波濤洶湧冇加胸墊
樂基兒事後笑住否認說：「冇呀？如果係點會咁細，我𠵱家着corset，將所有嘢push咗咋，梗係唔係啦！」她表示冇加胸墊，記者仍對她豐滿上圍大表疑惑，她只好悄悄向記者透露正在月事中。
對於被指近年惜肉如金，樂基兒即時話：「唔係呀，我平時都可以着泳衣行騷，不過大會冇安排，酬勞都係差唔多，冇特別加價。」她更透露為行騷頗緊張，提早食晚飯，行騷時更全程縮肚。
早前因箍牙戴牙套而收起笑容的樂基兒，一星期前終於將牙套拆除。前晚她被問到可有問准男友黎明才接泳衣騷，以及如何支持男友開演唱會時，樂基兒露出雪白整齊的牙齒笑住說：「我唔答喇！」
樂怡自誇谷胸上頸
此外，台下來睇騷的嘉賓包括梁洛施、何超儀、徐濠縈、Rosemary前男友Gordon等，但只有姚樂怡一身低胸打扮能與台上的樂基兒身材媲美。姚樂怡透露完全沒有加工，更拆去胸圍內墊。她說：「日本啲bra個pad好勁，唔拆一定谷到上頸。」姚樂怡又謂近日忙於拍TVB新劇，與劇中男友麥包一場接吻戲更令她大呼受不住，她說：「我俾佢磨死！佢嘅鬚根，磨到我連暗瘡都爆埋啦！」
採訪：林妙萍
攝影：林德雄
