張家輝同關詠荷最近交換家庭角色，變成男主內、女主外，關詠荷忙於出外拍劇，張家輝就全力湊女，但係關詠荷噚日接受商台電話訪問時，話老公湊女冇耐性，兼且個女一喊，家輝就會滿足個女嘅要求，打亂晒佢全盤嘅計劃。關詠荷仲話雖然好忙，但係就計劃生多個，不過因為𠵱家拍緊劇，所以先要「做好呢份工」！