祖雲達斯果然喺意乙聯打橫行，前日主場對泰利斯天拿場波，冇查斯古特，又先輸1球，完全冇問題，之後連轟5球反勝對手五個一皮，問你服未？呢場波再唔係由「直播天王」廸比亞路發威，而輪到好少擔任正選嘅柏拿甸奴連中三元。連副選都夠殺，所以，當賽前傳嚟射手查斯古特為停賽3場上訴失敗，又有咩所謂？