米杜士堡嘅澳洲前鋒維度卡宣布，佢踢埋今年7月嘅亞洲盃後，就可能告別國際賽。維度卡只係31歲，睇佢體質同埋狀態，照理踢埋2010年南非世界盃都仲得，但諗深一層，國際賽繁多，佢身在英國，成日要搭長程機來回亞洲，又真係幾吃力。再講，佢話想利用多啲時間陪老婆同埋兩個仔，出到親情牌，澳洲足總想挽留佢都難啦。