謝霆鋒昨日與房祖名、吳京、江若琳及導演陳木勝於會展出席新戲《男兒本色》記者會，會上播放霆鋒從10樓跳落街，及於兩架相撞汽車間疾走的片段，霆鋒說：「都係一個shot過咁拍，仲有一場我背對20級樓梯，然後俾吳京踢到飛身落樓梯嘅戲，冇得NG㗎。」霆鋒謂拍這些危險鏡頭全靠七成運氣，三分技術，他說：「有啲係現場度，家人都唔知，栢芝係過來人，俾佢埋位都會咁做。」
苦思B仔名
祖名則謂其戲份以文戲居多，後來也加插幾場打戲，問他會否打上癮，他說：「我唔同霆鋒爭，留畀佢啦，我都唔鍾意拍打戲，好辛苦。」祖名又謂有一場他與余文樂及霆鋒互捽跌打酒的戲份，他說：「我睇晒佢兩個半裸，好多女性朋友羨慕呀！」
此外，霆鋒日前接受電台節目嘅電話錄音訪問，透露正為未出世的兒子改名，他又謂自己的中英文名也是一位東埔寨人為他改的。霆鋒又強調栢芝產後會繼續工作，不會退隱。