藝人谷德昭胞姊谷薇麗（圖），三年前閉門失竊，存放喺家中總值逾13萬嘅金飾不翼而飛，其泰籍女傭ThipphawanManodee同時失蹤。警方調查後發現涉案女傭曾以2,850元將部份失物典當，包括金頸鏈、金耳環同金蛇擺設，共值5,700元。Thipphawan噚日喺東區裁判法院承認盜竊罪，被判入獄三個月。控罪指被告Thipphawan喺04年5月至6月間，喺中環加列山道一單位內偷取谷薇麗嘅物品。被告喺04年被通緝，今年1月因違反逗留條件而被捕。谷薇麗噚日話：「我唔知今日判咗，我會尊重法官嘅判決，以後請工人會小心啲。」
案件編號：ESCC1162/07