組合Twins和梁洛施（Isabella）等昨日在灣仔會展出席英皇電影酒會。鍾欣桐（阿嬌）前日出席第一屆亞洲電影大獎時身形發福，虎背熊腰盡現，她昨日對此說：「條裙因為好多褶，所以睇落去肥，加上唔係好啱身，又冇時間去改。」
邀伏明霞教游水
阿嬌稍後會接拍電影《出水芙蓉》，戲中她泳術精湛，不過她表示對穿泳衣有所顧慮，並欲穿潛水衣，問阿嬌會否找教練教游水？經理人Mani忙搶答說：「會搵伏明霞教佢。」阿嬌卻說：「佢跳水叻，唔代表游水叻。」她謂會揀女教練，問方力申可會收取友情價教她？她說：「佢又唔係女仔。」
此外，問英皇電影營運總監陳欣健是否有意拉攏趙薇入英皇，他說：「佢係好演員，原本有部電影搵佢拍，但撞咗佢要拍《赤壁之戰》，總之大家關係良好。」
採訪：何永寧
攝影：陳順禎