落戶香港四分之一個世紀的7-Eleven便利店，已成為香港人生活的一部份，7仔的軟雪糕更是不少人的至愛。網民jactkwn日前光顧7仔時，驚聞這種味道可能成為歷史，「頭先想食兩溝雪糕，點知店員話全線7-11都唔會再賣軟雪糕。食咗咁多年，咁就無聲無息冇咗，唉！」
7仔停售軟雪糕消息在網上引起極大關注，網友Simon十分錯愕，「吓，無得賣嘞，我之前都聽講話呢個月就無，我都未食最後一次，好失望呀。」小矮人說，若7仔不賣軟雪糕，日後可能要獨沽一味吃麥記了。
Tony估計7仔不提供軟雪糕，是因為軟雪糕屬高風險食物，「可能驚畀人話佢哋啲雪糕唔亁淨，咪索性唔賣囉。」camelcorn指出，便利店賣軟雪糕不化算，因為要購置消毒設備，雪糕機成本又高，不符成本效益。
本報記者昨到部份7仔查詢，店員稱，新開的便利店多數不賣軟雪糕，但未聞全線停售安排。7-Eleven顧客熱線表示，旗下不少店舖仍有售軟雪糕，僅地鐵站內的不提供。現時全港約有700間7-Eleven便利店。