【本報訊】「我人才唔出眾，荷包唔鬆動，講話又唔玲瓏。」就是這位無權、無勢、無錢的張伯，當日眼泛淚光，緊握梁家傑的手說：「好希望有生之年能夠親手投你一票」，這段故事令不少收看首場特首候選人電視辯論觀眾動容。82歲的他眼矇骨痛，無力上街爭民主，但他仍盼望能活到香港有普選的一天，「我都冇乜嘢求，要普選係想下一代活得好啲。」 記者：雷子樂
在閃個不停的鎂光燈下，腳踏adidas運動鞋、穿上西裝褸的張伯，昨接受訪問時笑說：「幾十年嚟都未見過咁大陣仗」。他更大吐苦水，指自從梁家傑在3月1日的辯論裏提及他的故事後，不但一直被記者追訪，更被街坊嘲笑他「咁威水、出風頭」，飽受壓力。「今次真係多得梁家傑呀！不過我唔會怕，我係憑良心講嘢！」
張伯有落足眼力收看兩場電視辯論。他大讚兩位特首候選人曾蔭權和梁家傑各有千秋，但較喜歡梁家傑，「佢為人唔錯，好關心低下階層」。「如果梁家傑冇出嚟選，曾蔭權點會成日落區？邊會去探訪窮人？」張伯認為曾蔭權「冇董建華咁老實」。「咁多人示威，佢都照拆天星鐘樓，佢只係聽阿爺話，係咪真係會盡力同香港人爭普選呀？」
「希望我有時間等到」
張伯在香港出生，淪陷時曾到內地避難，戰後返港一直從事飲食業工作，10年前才退休，現居於長者屋，每月靠3,000餘元綜援金過活。梁家傑參選，燃起張伯對普選的執着，「𠵱家全世界好多地方都有普選啦，唔通好似共產黨咁一黨專政咩！你睇台灣咁，民進黨做得唔好，你咪用選票拉佢落台囉！」
張伯是個民主派，04年立法會選舉投票支持李華明。近日不斷有自稱是民建聯的人士致電約談，令他不勝其煩。「啱啱先有個話自己係民建聯嘅人打嚟，我即刻收咗佢線，保皇黨有乜傾呀？」下周日的特首選舉，手中無票的張伯認為，曾蔭權勝券在握，他希望曾蔭權牢牢記住對選民的承諾，在任內解決雙普選問題。畢竟已82歲，張伯不時腰痠背痛、視力衰退，他希望能撐到2012，等到香港有普選，87歲時能親手將神聖一票投給梁家傑，「我答應過梁家傑會投佢一票，希望我有時間等到。」