一到復活節，老闆成個腦都諗住去旅行，作為PersonalSec.，放假都要跟一跟老闆個行程，所以一定要老闆為多間航空公司的會員，因為很多Airline會員，例如港龍、國泰、斯里蘭卡航空都可網上Check-in，其實好方便，至於會員資格，一般只要填張表格即可。
我就最鍾意國泰，因為可以申請AsiaMiles並於網上揀啱靚位及Check-in，之後在機場Check-inKiosk，利用自己在電腦打印的網上登機證換取正式登機證，而Kiosk旁邊還有專用寄倉行李櫃台，立刻就完成行李寄倉的手續。試過的話，去到機場就好似多咗個秘書，預先安排晒所有手續，好爽㗎。
至於選搭機場快線，除咗喺旅行社買票有優惠外，地鐵網上訂票都平差不多10%，唔使到時去到櫃台排大隊，仲平咗㖭。
熱門旅遊地點好似台灣咁，BNO同特區護照都要簽證，不過曾經持有效來台證件，或者在港澳出生，都可以喺網上申請簽證，登記之後，去機場離境大廳K段中華旅行社就得，感覺好過落地簽證，起碼一證在手，心安理得。
去完旅行返到香港，就要試吓個入境機啦，好似地鐵入閘咁，一「Do」就掂，幾爽。
文：林愛雯