「嘩！使唔使咁多人呀？」網友maomao近日在永遠論壇張貼了一幅題為「條橋幾時會斷」的相片，只見照片中數百人像「沙甸魚」般擠滿了行人天橋，讓網友知道甚麼叫做人山人海之餘，更令人擔心天橋一旦斷裂，後果真的不堪設想。
「咁多人，隨時俾人迫咗落橋。」「條橋咁多人，如果斷咗都幾大鑊。」「嘩，咁鬼多人，咩事呀？要斷唔使幾耐，好快㗎啦，行都冇位行啦！」由於天橋擠迫得簡直寸步難移，網友都憂慮會發生意外。事實上，左邊上落梯級的天橋已出現不尋常的弧度。網友laudrup說：「我好懷疑條橋嘅可『行』性囉，啲人好似過唔到咁，條橋中間處嘅柱躉應該頂得住嘅。」Tracy則稱：「好壯觀呀！企喺上面都有生命危險噃。𠵱度係邊度嚟㗎？有少少似廣州噃！」