吳彥祖（Daniel）前晚同女友LisaS.一齊喺蘭桂坊出現，而且身邊仲多咗個混血男孩，佢哋一行三人去咗「囍」呢間食肆食晚飯，仲揀咗一張近門口嘅枱嚟坐，Daniel好溫柔咁問個小朋友想食乜，然後就點咗一啲中式點心，可能因記者影相關係，Daniel怕嚇親個小朋友，所以即刻同佢講解乜嘢事。呢位小男孩真精靈，即刻對住鏡頭扮鬼臉同用手掩面，就係呢啲小動作都已經𠱁得LisaS.同Daniel不停喺度笑。
未食完走人
飯未食完，Daniel就叫埋單，仲吩咐侍應將啲食物打包拎走。離開時，Daniel拖實個小朋友，仲用英文同個小朋友解釋點解有人影相，又指畀佢睇啲狗仔隊企喺乜嘢位置。行行吓，Daniel突然走埋嚟記者面前講：「Thisisnotmyson（這不是我兒子）！」記者於是問佢：「咁係咪你或女友嘅親戚？」不過佢冇回答就走咗嘞！