日前有消息傳出，亞洲電視新聞主播梁家榮家人裏面，有一名年約四十餘歲女子發生交通意外，市場即時以為係佢太太──電盈前公關大員胡雪姬，所以四出猛咁打探實情。
胡雪姬其後向華華講，自己冇被車撞倒，但就的確發生咗一啲小意外。
話說佢上個禮拜六晚10點左右，喺何文田屋企附近散步，突然休克暈咗，好彩附近有好多途人見到，於是將佢送咗去QE（伊利沙伯醫院），留院觀察咗一輪後，噚日已經出院，只係嘴角同手臂擦損。
佢叫大家唔使擔心，多謝各方好友關心。梁太自離開電盈後，除咗間中以顧問身份幫吓盈保外，就一直相夫教子。
[email protected]