美國荷李活一代性感尤物瑪麗蓮夢露（MarilynMonroe）死因一向眾說紛紜，根據最新解封嘅美國聯邦調查局檔案，發現夢露可能係被「誘導自殺」，文件話，夢露同總統甘迺廸個細佬羅拔甘迺廸（RobertF.Kennedy）有私情，經常「玩自殺」博關心，點知玩出禍，1964年10月19日自殺身亡，原來喺佢死前，羅拔甘迺廸友人勞德福（Lawford）同照顧夢露嘅格林臣（Greenson）夾計，將60粒安眠藥巴比妥鹽（Seconal）畀夢露，食咁多唔死就奇。最可疑嘅係，羅拔仲打電話畀勞德福問夢露「死咗未」，文件仲估計，羅拔可能為咗掩飾姦情，所以設局滅口。
英國《獨立報》