為咗應付嚟緊嘅歐國盃外圍賽，愛爾蘭特別首次徵召效力韋根嘅前鋒卡雷布科蘭。呢位上半季仲係踢緊英甲車士打菲特嘅前鋒，諗住可以踏足世界舞台之際，好衰唔衰竟然喺上個禮拜六主場對富咸時勇戰受傷，空歡喜一場！求大俠聽到呢個消息都幾心噏，話晒呢位24歲前鋒呢排腳風都幾順，𠵱家無咗個上位機會，都真係幾慘！