擔任婚紗代言人的黎諾懿和唐詩詠昨日到灣仔會展為婚紗騷行天橋，並透露之前花了兩日時間拍攝多款婚紗照，唐詩詠說：「我哋識咗好耐，所以好快就投入到新婚嘅感覺，為咗出嚟個感覺更加sweet，我影相時仲成日叫黎諾懿做老公。」
坐馬車遊彌敦道
唐詩詠自言對婚紗情有獨鍾，將來結婚一定會影婚紗照留念。黎諾懿則謂希望將來以白馬王子look行禮，他說：「可能細個睇得卡通片多，成日都想結婚坐住馬車去接太太，之後架馬車就喺彌敦道行。」
近日有傳鄭伊健和蒙嘉慧分手，作為兩人紅娘的黎諾懿對此事不欲多言，他說：「我唔知呀，紅娘都係你哋講，大家畀啲空間佢兩個啦，總之過年時我哋大班人一齊食過飯。」問黎諾懿假若伊健結婚，會否為他爭取影婚紗照折扣，他笑說：「做乜要幫佢拎啫，話唔定我快過佢結呢。」
採訪：李珮洳 攝影：陳偉權
