喺斜路泊車當然最重要就係拉緊手掣，但隨着車上部份零件出現老化，或許會因此有滑行情況出現，故要配合轉軚方向及波段，咁就萬無一失。
在上斜嘅地方泊車而令車頭向上時，手波車就要入一波熄匙，軚盤扭向右對着石壆嘅方向，那麼就算有意外出現後溜，部車也會溜往石壆方向，將損毀程度減至最低；而自動波車的動作亦一樣，只係將波檔撥入D檔便可。
上落斜要扭唔同方向
至於泊在落斜路段而令車頭向下時，軚盤方向與上斜路段剛好相反，需扭向左面並向着石壆，入後波熄匙；自動波車軚盤方向亦一樣，隨後再入P波便可。這樣雖可防止因手掣失靈而釀成意外，但治本方法就是車主定時為座駕進行維修保養。
至於各位重型車司機大佬，在斜路停泊時最好在最後的輪胎後面加上專用木，來加強停車的效果，避免有後溜的情況出現。至於要是停泊在落斜地方，就要把專用木放於後胎的前面頂着，普通的木是不夠力的。
記者：陸伊琳
攝影：周旭文
鳴謝：香港駕駛學院
