名模AmandaStrang日前拍攝其首個纖體廣告，分別穿上迷人PinkLady及黃色透視裝，大騷其玲瓏浮凸的身段。雖然Amanda已穿慣高跟鞋，但她拍廣告時要穿上一對六吋高的高踭鞋，走上六呎高樓梯上擺甫士，舉步維艱，更差點兒跌倒。
當瘦身纖體公司開到像便利店總有一間在附近之時，名模AmandaStrang出道多年，首次成為塑身中心的代言人。
擁有一副好骨架的Amanda，原來一直不認同瘦等於美的觀念，不過她卻不滿意其手臂、腰臀及大腿側的位置暗藏鬼祟肉，故接受纖體療程。日前Amanda以最弗身形，為塑身公司拍攝首個廣告，廣告製作費高達七位數字，由星級攝影師張文華操刀。
顯誘人身段
廣告以新一代智慧女性為主題，Amanda分別穿上PinkLady及黃色透視裝，凸顯玲瓏曲線之餘，更充滿女人味。Amanda笑說：「我好鍾意PinkLady造型，條裙真係好難handle，但着咗真係可以展現我嘅身形，尤其係手臂同腰位嘅曲線。今次拍攝手法我覺得唔似拍塑身廣告，反而似拍時裝特輯。」
問到拍攝的趣事，Amanda坦言拍攝時一步一驚心，她說：「由於今次嘅服裝比較特別，一郁就會走位，影響效果，所以每個動作要好小心、好慢。加上着住一對六吋高踭鞋走上六呎高嘅梯級擺出唔同姿勢，真係差啲唔小心跌落嚟。」
撰文：林妃
