華斯高嘅巴西老牌射手羅馬里奧，喺上周六里約洲聯賽6:2贏博維斯塔場波射入3球，累積總入球高達998球，破球王比利嘅1,000球紀錄指日可待！賽後呢位41歲球星好招積咁話，幾年前好多人話佢好快玩完，𠵱家終於用入波證明實力。今次係佢今年第3次帽子戲法，咁嘅成績好多當打球星都做唔到，羅馬里奧你係得嘅！