近年好多球星踴躍做善事，好似巴塞球星伊度奧就同福特汽車簽約，講明如果佢今季餘下賽事梅開二度，該汽車製造商就會捐1架車畀佢名下嘅慈善基金會。入波又可以做善事，唔怪得伊度奧喺前晚4:0贏維爾瓦場西甲零舍落力！唔知細哨、美斯等隊友會唔會效法呢？相信以巴塞隆拿咁強大嘅攻力，肯定為慈善組織籌到好多錢。