俗語有云：「唔怕生壞命，最怕改壞名。」中國人相信風水命理，父母要給子女最好的，莫過於為子女擇一條皇帝命，再改一個富貴名。金豬嬰兒潮來臨，近期多了父母擇時辰開刀產子，又替子女改一個配合命格名字，帶挈風水命理顧問生意大增。
非人人「受得起」
「舊年下半年開始多咗父母要擇時辰開刀產子，特別係內地孕婦，佢哋計好預產期落嚟生仔，想計埋邊個時辰開刀好，揀埋仔女八字。」風水命理顧問麥玲玲形容：「客人最想仔女條命可以叻啲、有錢啲、舒服啲。」
想幫子女選一個好八字出生，費用約3,000元至5,000元；不過，皇帝命並不是人人「受得起」，麥玲玲解釋：「子女八字一定要同父母八字配合，例如揀仔女條命生於大富之家，但父母根本唔係有錢人，咁揀咗都冇用，分分鐘未到時辰便早產出世。」
找風水命理顧問替子女改名蔚然成風，幾位經常在傳媒曝光的明星級風水師傅，替嬰兒改名收費約2,000元至3,000元，一樣應接不暇，連經常強調名字對個人命運影響有限的蘇民峰也客似雲來，他無奈表示：「我講明改名係冇乜幫助，但啲父母都係想求個安心，咁我咪照改囉。」
注意事項
擇時辰開刀產子
‧必須先核實胎兒性別，因男女命盤截然不同
‧選擇八字範圍預產期前14日內
‧須配合父母八字
以命理角度替子女改名
‧父母可向風水顧問提供個人喜愛或不喜愛用字
‧提供父母八字資料
‧避諱家中長輩名字
資料來源：綜合各風水命理顧問意見