沙膽一個、甜言大量、牙骱一副、大癲大肺一個、金錢大量……這是網上流傳的一張「媾女藥方」，煮法強調要用耐性煲一輪，火候須掌握得宜，稍一不慎，隨時會爆煲傷人。「唉，好多『藥材』都無……」許多本來興致勃勃的網友看過上述藥材後都難掩失望之情，但女網友就爭相詢問：「有冇媾仔藥方呀？」
網上流傳，在感情路上每遇挫折的男網友Casper，早前向金谷堂堂主求救，「大夫，草民有事相求，求媾女藥方，草民無以為報。」堂主於是開出這張「清心順氣、瘦身散悶、開人笑穴、美白歡喜」的大配方。
「我肚子裏有一大塊肌肉，不符合六塊的了。」「無咩邊樣我係有嘅。」看過藥方後，大多網友都因自己未符條件而感到失望，鮮有像貓皇所說：「咦？我淨係爭咗一樣咋喎，邊個俾埋我呢？」網友追問之下，原來他所缺的是「金錢大量」一項。
有網友問：「我哋喺邊度搵呢啲藥材呢？」vincent則躍躍欲試，「得閒執番劑藥試吓先！」kma說：「我驚飲咗會流鼻血…」另有網友稱：「淨係最後嗰個『稍一不慎，會爆煲傷人』都值得我叫好啦！」殘風接着道：「爆煲傷人？我諗應該只係傷到自己咋…」
金谷堂媾女藥方
藥方（只適合男士服用）
‧沙膽一個，面皮五層
‧大鼻一個，夠薑九斤
‧甜言大量，蜜語大量
‧肌肉六塊，鬼馬適量
‧幽默適量
‧牙骱一副
‧大癲大肺一個
‧風流少許
‧鹹濕少許
‧金錢大量
煮法：將以上材料包裝好，用耐性煲一輪，火候要掌握得宜。因此藥藥性剛烈，稍一不慎，會爆煲傷人。