陳道然（蘭子）昨日一身富貴look在尖沙嘴出席願望成真基金慈善活動記者會，她被追問與利承武的戀情時，竟矢口否認在雜誌上曾經承認戀情，並斬釘截鐵指以後無論再被拍下與對方約會都不會承認，皆因已不是娛樂圈中人，不用配合傳媒的規矩，並指利承武是大好人，有義務保護他。
陳道然及郭秀雲等昨日往尖沙嘴出席「願望成真基金復活節慈善藝聚」記者會，現場展示多份由名人明星捐出作慈善拍賣的物品，包括只得一對的劉德華書法adidas波鞋，蕭芳芳69年離開影圈往美國念書時，由一名好友送給她的玉佩，郭秀雲從馬匹「精英大師」馬尾剪出一撮毛做成的玉佩頸鏈，以及側田小學二年級時的一幅畫作等。
一身富貴行頭
正與利承武蜜運的蘭子昨日一身富貴行頭，包括Chanel耳環及BottegaVeneta手袋，她一見記者即說：「我已經叫咗祁文傑捐30件物品，仲有叫我老闆娘捐出全球只得30隻嘅上海牌陀飛輪玫瑰金鑽石錶。」
記者追問蘭子終於承認與利承武的戀情，怎料她說：「我冇認過，我要澄清呀，你哋畀條生路我行吓啦，無論你哋影到乜嘢我都唔會認，以前就話喺娛樂圈要玩吓作吓，𠵱家我從商啦，有老闆娘，啲朋友（指利承武）又唔係咁識應付應對，所以都係唔好搞咁多嘢。」
「認咗都係觸礁」
蘭子續說：「利生係我生意上嘅夥伴，我好感激佢，好多朋友俾人影到都會唔慣唔鍾意，佢好好，我有義務保護佢，上次（遊艇會）撞到你哋我自己都好愕然，反應都慢咗，總之以後影到乜嘢都唔認㗎啦，好多以前大方認咗最後都係觸礁嘅。」
採訪、攝影：DebbieLum
