睇到列基美重返小保加之後表現生晒，真係令我求大俠感到安慰。不過除咗佢有重生嘅感覺之外，最大得益嘅人一定係前阿根廷國腳前鋒巴勒莫。上場對學生隊大演「帽子戲法」後，巴勒莫禮拜日對甘拿斯亞嗰陣仲癲，入咗4球幫隊波數人5個1皮，而且仲喺8分鐘內連入3球！睇嚟小保加有咗呢對孖寶，今季前景相當樂觀。