「買魚送魚鈎？」網友野望近日在高登討論區，圖文並茂張貼了聲稱是某大型超市買的魚肉藏魚鈎片，並說：「食緊嚿魚時，好彩慢慢翻開啲魚肉，睇到個魚鈎，XX買嘢真係好鬼抵，有『贈品』送，我老母𠵱家仲『熬底』，叫我唔好post相出嚟，話會俾人告。」
「超市有呢啲嘢都唔出奇，油魚都賣得出。」網友反應頗激烈：「離譜，不能接受！」「去投訴啦，仲等？」但版主野望無奈地說：「冇咗張單，告佢唔到，老母話已經丟咗。」
部份網友卻持有不同看法，「證明你條魚好生猛，連魚鈎都吞埋落肚。」「街市買嘅魚都有啦。」Steven附和說：「街市買到嘅鹹水魚，一般都係咁，因為漁民喺海捉魚放成萬個鈎，有時勾得太實會索性唔要。」「釣完即賣，新鮮！」
「下次送魚絲魚竿」
網友很多時都會「九唔搭八」，將話題轉移到不相關的事情上。網友「唔講唔知」不失搞笑本色地說：「下次送魚絲，之後送埋魚竿。」一些人不關心魚鈎，卻留意相片中的一隻手很纖巧，原來是食着有鈎魚的野望的玉手，野望說：「我隻手嚟㗎！」網友「一隻手指」認為如果野望是男仔，似乎保養有道，「隻手幾靚。」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]