美國天后麥當娜（Madonna）近年定居倫敦，噚日英國有報道指佢打算搬返美國紐約，希望有多啲時間照顧患結腸癌、正喺醫院接受治療嘅父親。娜姐父親嘅病情雖有好轉，但佢擔心老竇只係表面堅強，所以想畀多啲精神支持佢，而且等佢可以見多孫仔孫女幾面。娜姐喺紐約有物業，不過佢嫌間屋太細，所以考慮買超過3億港元嘅新豪宅。