型格品牌Diesel前晚在中環七號碼頭舉行派對，吸引大批明星和名人拍拖捧場，包括吳彥祖與LisaS.、何超儀與丈夫陳子聰、甚少露面的趙世曾兒子趙式浩與羅樂林女兒羅苡芝等。近日天氣時冷時熱，但女星名模一於少理，個個性感上陣，AmandaStrang與貝安琪鬥大露背、穿小背心的CaraG.真空上陣、尹子維舊愛AseWang則晒纖腰和紋身。
超儀肥13磅
超儀也露出背後紋身，但其肥腩似乎比紋身更搶鏡，她笑說：「我新年食得多，肥咗13磅。至於個紋身，係8至9年前紋嘅，嗰時紋蝴蝶，後來覺得唔老嚟，咪改成鳳凰啦，不死鳥！」
陳冠希的胞姐陳見飛也真空上陣，鬼妹仔性格的她說：「我谷經期呀！真空？放心啦，我出門口前特登fing吓，冇事先出嚟。Edison都話過我蒲到好殘，叫我蒲少啲，我都有聽佢講，所以𠵱家冇咁殘。」問她打扮得如斯性感，不怕被人博懵嗎？她笑說：「唔掂到就得啦。」
採訪：GeneNg
攝影：ChenWaiOn
